مېن، بی‌بی راکيه هاشمی، اۉزبېک تیلی و ادبیاتی بۉییچه متخصصی من. باشلنغیچ تعلیمیمنی اېران دولتیده باشله‌گنمن. اۉرته مکتب و لیسه‌نی اېسه توغیلگن جاییم، بلخ ولایتیده تمامله‌گنمن. شوندن سۉنگ امیر علیشیرنوایی نامیده‌گی تاشکېنت دولت اۉزبېک تیلی و ادبیاتی بیلیم یورتیده لیسانس درجه‌سینی آلدیم.
کېینچه‌لیک علمي ایزلنیشلریمنی دوام اېتتیریب، اۉزبېکستان نینگ ناردیک خلق ارا خصوصي بیلیم یورتیده تعلیمنی باشقریش یۉنه‌لیشی بۉییچه ماسترلیک درجه‌سیگه اېگه بۉلدیم. حاضرده کتّه مقصد و اینتیلیش بیلن امیر علیشیرنوایی نامیده‌گی تاشکېنت دولت اۉزبېک تیلی و ادبیاتی بیلیم یورتیده دوکتورا باسقیچیده تحصیل آلماقده‌من.
تعلیم جریانی دوامیده بیر قطار علمي مقاله‌لر یازیب، اولرنی اۉزبېکستانده‌گی نفوذلی ژوناللرده اعلان قیلدیم. شونینگدېک، بیر نېچته تعلیم مرکزلریده دایمي همکار صفتیده فعالیت یوریتدیم. حاضرگی کونده هم علمي فعالیتیم ایزچیل دوام اېتماقده.
جمعیتیمیز باله‌لری نینگ عقلي و فکري رواجلنیشیگه حصه قۉشیش مقصدیده، حاضرده اکا‌دېمی کیدس آنلا‌ین تعلیم مرکزیده هیآت اعضاسی و آنلا‌ین مکتب اۉقیتووچیسی صفتیده فعالیت آلیب بارماقده‌من.
English
O'zbekcha
ۉزبېکچه
