مېن، بهرام اۉغلی سراج الدین پنجی‌یوف اۉزبېک تیلی و ادبیاتی متخصصی من. مکتبنی توغیلگن جاییم — جرقۉرغان تومنیده تمامله‌گنمن. بکلور باسقیچینی اېسه علیشیرنوایی نامیده‌گی تاشکېنت دولت اۉزبېک تیلی و ادبیاتی بیلیم یورتیده یکونله‌گنمن.
بیلیم یورتی دوریده یوقاری صنف اۉقووچیلریگه آنه تیلی و ادبیاتی فنلریدن درس بېریب کېلگنمن. شونینگدېک، کانکور سیناوی گه اشتراک اېتووچیلرنی عالي تعلیم مؤسسه‌لریگه تیارلش بۉییچه تجربه‌گه اېگه‌من. ایکّی ییلدن آرتیق پیداگوژیگ فعالیت دوامیده زمانه‌وی و اۉزارا فعال اۉقیتیش مېتودلرینی قۉللب، اۉقووچیلرنینگ سۉزله‌شیش قابلیتی، ذهنی صلاحیتینی و اۉز-اۉزینی انگلش کۉنیکمه‌لرینی رواجلنتیریشگه حصه قۉشیب کېلماقده‌من.
لیسانس باسقیچیده اۉزبېک تیلی و ادبیاتینی اۉقیتیشگه عاید بیر نېچته علمي مقاله‌لر مؤلفی بۉلگنمن. حاضرده هم اوشبو یۉنه‌لیشده علمي ایزلنیشلر آلیب باریه‌پمن.
استادلریم نینگ یاردمی و اۉزبېک تیلینی ترغیب قیلیشگه بۉلگن قیزیقیشیم طفیلی حاضرده «اوزبېک کیدس آکا‌دیمی»ده رهبرلیک هیآت اعضاسی و اۉقیتووچی صفتیده فعالیت یوریته‌یه‌پمن. مقصدیم — تیل اۉرگنیشگه قیزیققن یاشلرنینگ معنوی دنیاسینی باییتیش و ادبی سوادخان‌لیگینی مستحکم‌لشدیر.
English
O'zbekcha
ۉزبېکچه
